Die 2025-seisoen was ’n suksesvolle en opwindende jaar vir Marais Viljoen se skaakspanne. Beide ons senior- en juniorskaakspanne het deur die jaar groot toewyding, verbetering en sportmangees getoon.

Ons o.17-span het ’n uitstekende mylpaal bereik deur die Distrikskampioenskap te wen en deur te dring na die Gauteng Kampioenskappe, waar hulle besonder goed gevaar het teen van die sterkste skole in die provinsie. Hul harde werk, dissipline en spanwerk het werklik vrugte afgewerp, en ons is baie trots op hulle.

Beide ons senior- en juniorspanne het ook aan die NWU Skaaktoernooi deelgeneem, waar hulle waardevolle ervaring opgedoen en hul groeiende talent ten toon gestel het.

Ons het ’n bemoedigende toename in nuwe spelers wat by ons skaakprogram aangesluit het, gesien. Met die leiding en toewyding van ons afrigters en organiseerders ontwikkel hierdie nuwe spelers vinnig en toon hulle groot potensiaal vir die toekoms.

Ons is trots op elke speler wat Hoërskool Marais Viljoen met integriteit en passie verteenwoordig het. Die vordering wat hierdie jaar gemaak is, lê ’n sterk fondament vir voortgesette sukses in die jare wat kom.